Punjab Junction Weekly Newspaper / 07 JANUARY 2024
ਨਵੀਂ ਦਿੱਲੀ,
ਕੇਂਦਰੀ ਸਿਹਤ ਮੰਤਰਾਲੇ ਵਲੋਂ ਜਾਰੀ ਅੰਕੜਿਆਂ ਅਨੁਸਾਰ ਭਾਰਤ ਵਿਚ ਇਕ ਦਿਨ ਵਿਚ 774 ਕੋਵਿਡ-19 ਕੇਸਾਂ ਦਾ ਵਾਧਾ ਦਰਜ ਕੀਤਾ ਗਿਆ ਹੈ ਜਦੋਂ ਕਿ ਐਕਟਿਵ ਮਾਮਲਿਆਂ ਦੀ ਗਿਣਤੀ 4,187 ਹੈ। ਮੰਤਰਾਲੇ ਨੇ ਕਿਹਾ ਕਿ ਰੋਜ਼ਾਨਾ ਕੇਸਾਂ ਦੀ ਗਿਣਤੀ 5 ਦਸੰਬਰ ਤੱਕ ਦੋਹਰੇ ਅੰਕਾਂ ਵਿਚ ਸੀ ਪਰ ਠੰਢੇ ਮੌਸਮ ਦੇ ਹਾਲਾਤ ਵਿਚ ਅਤੇ ਇਕ ਨਵੇਂ ਕੋਵਿਡ -19 ਰੂਪ, ਜੇ.ਐਨ.1 ਦੇ ਉਭਰਨ ਤੋਂ ਬਾਅਦ, 5 ਦਸੰਬਰ ਤੋਂ ਬਾਅਦ ਇਕ ਦਿਨ ਵਿਚ ਸਭ ਤੋਂ ਵੱਧ 841 ਕੇਸਾਂ ਵਿਚ ਵਾਧਾ ਹੋਣ ਤੋਂ ਬਾਅਦ ਇਹ ਦੁਬਾਰਾ ਵਧਣਾ ਸ਼ੁਰੂ ਹੋਇਆ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ 4,187 ਐਕਟਿਵ ਕੇਸਾਂ ਵਿਚੋਂ, ਜ਼ਿਆਦਾਤਰ (92 ਪ੍ਰਤੀਸ਼ਤ ਤੋਂ ਵੱਧ) ਹੋਮ ਆਈਸੋਲੇਸ਼ਨ ਅਧੀਨ ਠੀਕ ਹੋ ਰਹੇ ਹਨ। ਇਕ ਅਧਿਕਾਰਤ ਸੂਤਰ ਨੇ ਕਿਹਾ ਕਿ ਮੌਜੂਦਾ ਉਪਲਬਧ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਨਵਾਂ ਵੇਰੀਐਂਟ ਨਾ ਤਾਂ ਨਵੇਂ ਮਾਮਲਿਆਂ ਵਿਚ ਤੇਜ਼ੀ ਨਾਲ ਵਾਧਾ ਕਰ ਰਿਹਾ ਹੈ ਅਤੇ ਨਾ ਹੀ ਹਸਪਤਾਲ ਵਿਚ ਭਰਤੀ ਹੋਣ ਅਤੇ ਮੌਤ ਦਰ ਵਿਚ ਵਾਧਾ ਕਰ ਰਿਹਾ ਹੈ।
Chief Editor- Jasdeep Singh ‘Sagar’ (National Award Winner)
