Punjab Junction Newspaper | 09 January 2022
ਭਾਰਤ ਦੇ ਮੁੱਖ ਚੋਣ ਕਮਿਸ਼ਨਰ ਵਲੋਂ ਦੇਸ਼ ਦੇ ਪੰਜ ਰਾਜਾਂ ਵਿਚ ਵਿਧਾਨ ਸਭਾ ਚੋਣਾਂ ਦੀਆਂ ਤਾਰੀਕਾਂ ਐਲਾਨਣ ਤੇ 15 ਜਨਵਰੀ ਤੱਕ ਚੋਣ ਰੈਲੀਆਂ ‘ਤੇ ਰੋਕ ਕਾਰਨ ਅਜੀਤਵਾਲ ਨੇੜੇ ਕਿਲੀ ਚਾਹਲਾਂ ਕਾਂਗਰਸ ਦੀ ਹੋਣ ਵਾਲੀ ਰੈਲੀ ਕੁਝ ਸਮੇਂ ਲਈ ਮੁੜ ਮੁਲਤਵੀ ਹੋ ਗਈ | ਰਾਹੁਲ ਗਾਂਧੀ ਨੇ 15 ਜਨਵਰੀ ਨੂੰ ਪੰਜਾਬ ਦੌਰੇ ਦੌਰਾਨ ਸੰਬੋਧਨ ਕਰਨਾ ਸੀ | 7-8 ਜਨਵਰੀ ਦੀ ਰਾਤ ਨੂੰ ਜ਼ਿਆਦਾ ਵਰਖਾ ਹੋਣ ਕਾਰਨ ਰੈਲੀ ਵਾਲੀ ਜਗ੍ਹਾ ‘ਤੇ ਸਾਰੇ ਖੇਤ ਪਾਣੀ ਨਾਲ ਭਰ ਗਏ | 7 ਜਨਵਰੀ ਨੂੰ ਤਿੰਨ ਕੈਬਨਿਟ ਮੰਤਰੀਆਂ ਵਿਜੇਇੰਦਰ ਸਿੰਗਲਾ, ਰਾਣਾ ਗੁਰਜੀਤ ਸਿੰਘ, ਭਾਰਤ ਭੂਸ਼ਨ, ਜ਼ਿਲ੍ਹਾ ਪ੍ਰਧਾਨ ਕਮਲਜੀਤ ਸਿੰਘ ਬਰਾੜ ਨੇ ਰੈਲੀ ਵਾਲੀ ਜਗ੍ਹਾ ਦਾ ਦੌਰਾ ਕਰ ਕੇ 15 ਜਨਵਰੀ ਦੀ ਰੈਲੀ ਸਬੰਧੀ ਜਾਣਕਾਰੀ ਦਿੱਤੀ ਸੀ | ਅੱਜ ਤੋਂ ਤਿਆਰੀਆਂ ਸ਼ੁਰੂ ਹੋਣੀਆਂ ਸਨ | ਜ਼ੋਰਦਾਰ ਵਰਖਾ ਤੇ ਦੁਪਹਿਰ ਤੋਂ ਬਾਅਦ ਚੋਣ ਕਮਿਸ਼ਨ ਵਲੋਂ ਰੈਲੀਆਂ ‘ਤੇ ਰੋਕ ਲਗਾ ਦਿੱਤੀ | ਅੱਜ ਜ਼ਮੀਨਾਂ ਵਾਲਿਆਂ ਨੂੰ ਗੱਲਬਾਤ ਲਈ ਦੁਪਹਿਰ 11 ਵਜੇ ਸੱਦਿਆ ਸੀ | ਚੋਣ ਕਮਿਸ਼ਨ ਦਾ ਰੈਲੀਆਂ ਸਬੰਧੀ ਕਹਿਣਾ ਕਿ ਪਹਿਲਾਂ ਕੋਰੋਨਾ ਮਹਾਂਮਾਰੀ ਦੀ ਸਮੀਖਿਆ ਕੀਤੀ ਜਾਵੇਗੀ ਫਿਰ ਰੈਲੀਆਂ ਬਾਰੇ ਸੋਚਿਆ ਜਾਵੇਗਾ | ਇਸ ਸਬੰਧੀ ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਕਮਲਜੀਤ ਸਿੰਘ ਬਰਾੜ ਨੇ ਕਿਹਾ ਕਿ 15 ਜਨਵਰੀ ਨੂੰ ਹੋਣ ਵਾਲੀ ਰੈਲੀ ਦੋ ਤਿੰਨ ਦਿਨਾਂ ਦੇਰੀ ਨਾਲ ਹੋਵੇਗੀ |
