ਬਾਲੀਵੁੱਡ ਸੁਪਰਸਟਾਰ ਦੇ ਦਾਦਾ ਨੇ ਅੰਗਰੇਜ਼ਾਂ ਲਈ ਖੇਡਿਆ ਕ੍ਰਿਕਟ, ਫਿਰ ਟੀਮ ਇੰਡੀਆ ਦੇ ਬਣੇ ਕਪਤਾਨ

Punjab Junction Weekly Newspaper / 07 OCTUBER 2024

ਕ੍ਰਿਕਟ ਦੇ ਖੇਤਰ ਵਿੱਚ ਭਾਰਤ ਨੇ ਚੰਗਾ ਨਾਮ ਕਮਾਇਆ ਹੈ। ਹੁਣ ਤੱਕ ਭਾਰਤੀ ਕ੍ਰਿਕਟ ਟੀਮ ਵਿੱਚ ਅਨੇਕਾਂ ਖਿਡਾਰੀ ਆਪਣੀ ਖੇਡ ਦਾ ਪ੍ਰਦਰਸ਼ਨ ਕਰ ਚੁੱਕੇ ਹਨ। ਭਾਰਤੀ ਕ੍ਰਿਕਟ ਟੀਮ ਦਾ ਇੱਕ ਖਿਡਾਰੀ ਅਜਿਹਾ ਵੀ, ਜੋ ਭਾਰਤ ਲਈ ਖੇਡਣ ਤੋਂ ਪਹਿਲਾਂ ਇੰਗਲੈਂਡ ਲਈ ਖੇਡਿਆ ਸੀ। ਬਾਅਦ ਵਿੱਚ ਉਹ ਭਾਰਤੀ ਕ੍ਰਿਕਟ ਟੀਮ ਦਾ ਕਪਤਾਨ ਵੀ ਬਣਿਆ। ਉਹ ਬਾਲੀਵੁੱਡ ਸੁਪਰਸਟਾਰ ਸੈਫ ਅਲੀ ਖਾਨ (Saif Ali Khan) ਦੇ ਦਾਦਾ ਸੀ। ਆਓ ਜਾਣਦੇ ਹਾਂ ਇਸ ਖਿਡਾਰੀ ਬਾਰੇ ਡਿਟੇਲ-

ਜਿਸ ਕ੍ਰਿਕਟ ਖਿਡਾਰੀ ਦੀ ਅਸੀਂ ਗੱਲ ਕਰ ਰਹੇ ਹਾਂ, ਉਹ ਇਫ਼ਤਿਖਾਰ ਅਲੀ ਖਾਨ ਪਟੌਦੀ (Iftikhar Ali Khan Pataudi) ਸੀ। ਇਫ਼ਤਿਖਾਰ ਅਲੀ ਖਾਨ ਪਟੌਦੀ ਨੇ ਆਪਣੇ ਕ੍ਰਿਕਟ ਕਰੀਅਰ ਦੀ ਸ਼ੁਰੂਆਤ ਇੰਗਲੈਂਡ ਲਈ ਖੇਡ ਕੇ ਕੀਤੀ ਸੀ। ਇਫ਼ਤਿਖਾਰ ਅਲੀ ਆਪਣਾ ਪਹਿਲਾਂ ਮੈਚ ਇੰਗਲੈਂਡ ਵੱਲੋਂ ਆਸਟਰੇਲੀਆ ਦੇ ਖ਼ਿਲਾਫ਼ ਸਾਲ 1933 ਵਿੱਚ ਸਿਡਨੀ ਵਿੱਚ ਖੇਡਿਆ ਸੀ। ਇਸ ਮੈਚ ਵਿੱਚ ਉਸਨੇ ਸ਼ਾਨਦਾਰ ਸ਼ਤਕ ਲਗਾਇਆ ਸੀ। ਉਹ ਪਟੌਦੀ ਰਿਆਸਤ ਦਾ 8ਵਾਂ ਨਵਾਬ ਸੀ। ਇਸ ਦੇ ਨਾਲ ਹੀ ਉਹ ਇਕਲੌਤਾ ਅਜਿਹਾ ਭਾਰਤੀ ਕ੍ਰਿਕਟਰ ਹੈ, ਜੋ ਇੰਗਲੈਂਡ ਅਤੇ ਭਾਰਤ ਦੋਵਾਂ ਲਈ ਕ੍ਰਿਕਟ ਖੇਡਿਆ।